Myc

Myc é unha familia de xenes reguladores e protooncoxenes que codifican factores de transcrición. A familia Myc consta de tres xenes humanos relacionados: c-myc (MYC), l-myc (MYCL) e n-myc (MYCN). c-myc foi o primeiro xene que se descubriu nesta familia, debido á súa homoloxía co xene viral v-myc.

No cancro, c-myc a miúdo exprésase constitutivamente (persistentemente). Isto causa o incremento da expresión de moitos xenes, algúns dos cales están implicados na proliferación celular, contribuíndo á formación do cancro.^[1] Unha translocación común en humanos que afecta a c-myc é fundamental para o desenvolveento de moitos casos de linfoma de Burkitt.^[2] A regulación á alza constitutiva dos xenes Myc tamén se observou nos carcinomas de cérvix uterino, colon, mama, pulmóns e estómago.^[1]

Myc considérase unha prometedora diana para fármacos anticancro.^[3] Desafortunadamente, Myc posúe varias características que fixeron difícil aplicarlle fármacos, como que calquera fármaco anticancro dirixido a inhibir Myc normalmente necesitará perturbar a proteína indirectamente, como pode ser afectando ao ARNm da proteína en vez de afectar directamente á propia proteína por medio dunha pequena molécula.^[4][5]

Ademais, c-myc tamén ten un importante papel na bioloxía das células nais e foi un dos factores Yamanaka oixinais usados para reprogramar células somáticas en células nais pluripotentes inducidas.^[6]

No xenoma humano c-myc está localizado no cromosoma 8 e crese que regula a expresión do 15% de todos os xenes^[7] por medio da unión a secuencias de caixa de amplificador (E-box).

Ademais do seu papel como factor de transcrición clásico, N-myc pode recrutar histona acetiltransferases (HATs). Isto permítelle regular a estrutura global da cromatina por acetilación de histonas.^[8]

1. ↑ ^{1,0 1,1} "Myc". NCBI. 
2. ↑ Finver SN, Nishikura K, Finger LR, Haluska FG, Finan J, Nowell PC, Croce CM (maio de 1988). "Sequence analysis of the Myc oncogene involved in the t(8;14)(q24;q11) chromosome translocation in a human leukemia T-cell line indicates that putative regulatory regions are not altered". Proceedings of the National Academy of Sciences of the United States of America 85 (9): 3052–6. Bibcode:1988PNAS...85.3052F. PMC 280141. PMID 2834731. doi:10.1073/pnas.85.9.3052. 
3. ↑ Begley S (2013-01-09). "DNA pioneer James Watson takes aim at cancer establishments". Reuters. 
4. ↑ Carabet LA, Rennie PS, Cherkasov A (decembro de 2018). "Therapeutic Inhibition of Myc in Cancer. Structural Bases and Computer-Aided Drug Discovery Approaches". International Journal of Molecular Sciences 20 (1): 120. PMC 6337544. PMID 30597997. doi:10.3390/ijms20010120. 
5. ↑ Dang CV, Reddy EP, Shokat KM, Soucek L (agosto de 2017). "Drugging the 'undruggable' cancer targets". Nature Reviews. Cancer 17 (8): 502–508. PMC 5945194. PMID 28643779. doi:10.1038/nrc.2017.36. 
6. ↑ Nie Z, Hu G, Wei G, Cui K, Yamane A, Resch W, Wang R, Green DR, Tessarollo L, Casellas R, Zhao K, Levens D (setembro de 2012). "c-Myc is a universal amplifier of expressed genes in lymphocytes and embryonic stem cells". Cell 151 (1): 68–79. PMC 3471363. PMID 23021216. doi:10.1016/j.cell.2012.08.033. 
7. ↑ Gearhart J, Pashos EE, Prasad MK (outubro de 2007). "Pluripotency redux--advances in stem-cell research". The New England Journal of Medicine 357 (15): 1469–72. PMID 17928593. doi:10.1056/NEJMp078126. 
8. ↑ Cotterman R, Jin VX, Krig SR, Lemen JM, Wey A, Farnham PJ, Knoepfler PS (decembro de 2008). "N-Myc regulates a widespread euchromatic program in the human genome partially independent of its role as a classical transcription factor". Cancer Research 68 (23): 9654–62. PMC 2637654. PMID 19047142. doi:10.1158/0008-5472.CAN-08-1961.